Thema: المرأة المصلاوية قبل وبعد الزواج Mi 02 Jun 2010, 00:56
ملاحظة حرف الغين يعني الراء مثال دشتغيلكي... يعني دشتريلكي تابعو
عند التحدث بالهاتف
قبل الزواج
هي : مرحبا حبيبي هو : مرحبا حياتي هي : مشتاقتلك كثيييغ هو : انا اكثغ هي : غاح اموت اذا ما اغشعك ، الله يخليك ولو دقيقة بس نقعد سوا . هو : والله لو اعغف اعوف الدني كلا الا اجيكي اليوم هي : ما يهللي اسد التلفون ، بس اش اعمل ، باي حياتي. هو : مع السلامة حبيبيتي .
بعد الزواج
هي : مرحبااا هو : هلا هي : اغشع الى هسه ماجيت ، ويصبك هو : بالشغل ويصبني يعني ، خوما عدتونس هي : اي هاي هيا ، اذا تغيد ظل بالشغل ولا ترجع فغد مرة. هو : لو بيدي هم هاكذ ، فضيني اش تغيدين دغوح عندي شغل هي : صوجي انا طبختولك بامية مثل ما تغيد ، تعالي بقى تزقنبيها ابحدك هو : محد قللكي تطبخين بامية ما تعفين عندي شغل ويغلق التلفون بدون حتى مع السلامة
عند الذهاب الى السوق
قبل الزواج
هو : حبيبيتي امانة الله اذا تغشعين شي يعجبكي وما تقلليلي دشتغيلكي هوا هي : حبيبي انت تكفيني كلشي ما محتاجي المهم انت معايي هو : دحقي هاي القليدي اشقد حلوي لو تلبسيها تطلع احلى هي : اشكرك حبيبي ، وفر فلوسك حتى نتزوج باسرع وقت هو : ما يغلى عليكي شي والله لو ماي عيوني تطلبين هي : حبيبي انا اصلا عندي اغراض دبيعا واساعدك بنفقات الزواج هو : تسلمين حياتي هي : انت السالم عمري وقلبي
بعد الزواج
هو : عالسريع كوي اذا دتشتغين شي لا تفرينا ساعات وراحات هي : غيغ دغشع الشي اليعجبني ، الا انت امبور لا اشتغي خيف على فلوسك هو : ديري بالكي كوي اكثغ من عشرة الاف ما شيل لا توغطينا بشي غالي ، ما يشكللكي هي : ليش يابا ما يشكللي ؟ يبقى انت اشقد يشكللك ، من غشعتوك مبهدل ، اش نعمل كلشي قسمة هو : قربان أناقتكي ، يبقى انتي
إجعليكي مارلين مونرو ، اذا تشتغين اشتغي على حسابكي انا ما عندي فلوس زيدي دزتها عليكي هي : والله واجبك هذا عليش لكن انت الغجال ؟ ، غجيل آخر زمن ، آآخ لوما الزمن وغطني بيك كان اخذتولي احسن غجال هو: ههههههههه ليش هو منو انعمى ودحق عليكي غيغي ، بس انا اقللكي كان هذا جاركم الزبال الاعوغ يحبكي لو كن اخذكي كان خللصني هي : لا بالله والله خمسين استاذ جامعة وطبيب اتقدمولي ، معغف عليش عفتوهم واخذتولي ويحد بخيل مثلك ، امشي دنرجع شراي ما اشتغي هو : والله تعملين فضل ،
???? Gast
Thema: Re: المرأة المصلاوية قبل وبعد الزواج Mi 02 Jun 2010, 21:51
Mi 02 Jun 2010, 00:56
